Sobre MAHI

O Museo de Automoción e Historia, MAHI, é un proxecto cultural de marcado carácter pedagóxico que se articula ao redor de múltiples compoñentes de carácter expositivo, cultural, artístico, formativo, social e educativo. O seu obxectivo é mostrar a automoción e a historia en xeral e máis particularmente a do século XX a través dos seus grandes fitos históricos, culturais, económicos, tecnolóxicos e sociais. O proxecto global do Museo convértese nunha opción de lecer cultural familiar, vivo e dinámico en canto a investigación e desenvolvemento, sen esquecer a súa integración coa sociedade con elementos de formación profesional, educativa e recuperación dun patrimonio histórico, industrial e cultural.

Alzáse como exemplo de museo do século XXI, no que se reúne unha colección especializada que ilustra acerca os logros da humanidade e os problemas da automoción, nun percorrido onde se estimula a actividade cultural a través dos obxectos expostos coa súa correspondente información. Todos os vehículos e obxectos expostos están amplamente documentados mediante códigos QR.