Nesta sala expoñeranse novidades de vehículos que vaian saíndo ao mercado. Nela as marcas que estean expostas poderán realizar accións comerciais, probas de condución etc.
A fundación Jorge Jove establecerá mesas de debate onde se debaterán as enerxías alternativas coas que contou a automoción ao longo do século XX, terminando por analizar a situación na actualidade. Estas mesas de debate organízanse baixo demanda.
A protección do medio ambiente e emisións de gases de efecto invernadoiro son os temas dos talleres que se organizarán neste espazo, especialmente dedicado un público infantil e xuvenil.